Nuk ka rritje të numrit të prokurorëve që ndjekin krimin e organizuar dhe korrupsionin. Shpallja për zgjedhjen e prokurorëve në Prokurorinë për Ndjekjen e Krimit të Organizuar dhe Korrupsionit është shpallur për shkak të skadimit të mandatit të pesë të kësaj prokurorie.
Kryetari i Këshillit të Prokurorëve Publikë, Antonio Jolevski, në një bisedë telefonike për Sitel, thotë se prokurorëve të zgjedhur para katër vitesh u ka skaduar mandati, andaj tani janë duke u plotësuar vetëm vendet e lira.
Të drejtë aplikimi kanë edhe prokurorët të cilëve u ka skaduar mandati, sqaron Jolevski.
Dje ishte afati i fundit që prokurorët të aplikonin për një pozicion në Prokurorinë e ndjekjes së krimit dhe korrupsionit. Këshilli i prokurorëve publik thotë se kanë pranuar nëntë aplikime, por ka pasur mundësi që kandidaturat të arrijnë edhe me postë. Nuk dihet ende se çfarë do të bëjë ai pas largimit nga posti.
Nga Këshilli thonë se do të presin aplikimet e mundshme postare dhe vetëm atëherë do të caktohet seanca në të cilën do të vendoset se cili nga kandidatët në katër vitet e ardhshme do të ndjekë penalisht krimin e organizuar dhe korrupsionin.
Prokuroria aktualisht është duke punuar me 14 prokurorë, pesë prej të cilëve janë zgjedhur në prill të këtij viti.
