Është arritur cenzusi për zgjedhjen e presidentit të shtetit. Sipas Komisionit Shtetëror të Zgjedhjeve (KSHZ), pjesëmarrja e votuesve në orën 18:30 është 44.5 për qind.
Gjysmë ore përpara mbylljes së qendrave të votimit në raundin e dytë të zgjedhjeve presidenciale, 795.577 qytetarë dolën në votime sipas 97,61 përqind të 3,428 vendvotimeve të procesuara, tha në konferencën e shtypit kryetari i KSHZ-së, Oliver Derkovski.
Ai vlerësoi se zgjedhjet shkuan mirë, në atmosferë paqësore, dinjitoze dhe pa parregullsi të mëdha. Deri tani nuk janë raportuar parregullsi në qendrat e votimit.
Sipas të dhënave të KSHZ-së më e lartë është jehona në Kriva Pallankë ku pjesëmarrja e votuesve ka qenë 70.49 për qind, pason Gjevgjelia me pjesëmarrje 66.17 për qind, Manastiri 53.26, Vevçani 65.23, Demir Hisar 67,12 për qind, Dojrani 65.2 për qind, 61,15 për qind Kavadarci, Karposhi 55,91 për qind, 66,97 për qind Krushevë, Makedonski Brod 66,87 për qind … Pjesëmarrja më e ulët është në komunën e Zhelinës, 15,42 për qind, ndërsa e ulët është pjesëmarrja edhe në Qendrën e Zhupës me 17.43 për qind, në Gostivar, Likovë dhe Tearcë me rreth 23 për qind, pason Shuto Orizare me 26.91 për qind dhe Haraçina me 30,65 për qind.
Në zgjedhjet lokale për kryetar komune në Komunën e Novo Sellës në 18:30 kanë votuar 5,683 persona ose 50,01 për qind, në Ohër 28.300 votues ose 54,04 për qind.
Rezultatet paraprake jozyrtare nga zgjedhjet presidenciale mund të ndiqen drejtpërdrejtë në ueb faqen e KSHZ-së.
