Kryetari i komunës së Qendrës, Sasa Bogdanoviç dhe ambasadori rus Sergej Baznikin, sot mbollën 10 fidanë panje dhe me këtë akt njoftuan rregullimin kopshtar të parkut dhe zgjidhjen ideore për rindërtimin e sheshit të lojërave për fëmijë pas Sallës Universale.
Parku do të quhet “Parku i Kujtesës”, dhe komuna e Qendrës ia kushton këtë hapësirë Federatës Ruse në shenjë miqësie dhe për nder të 75 vjetorit të fitores mbi fashizmin.
- Ne falënderojmë ambasadorin rus Sergej Baznikin dhe Federatën Ruse për mbështetjen e aktiviteteve të Komunës së Qendrës dhe përmes këtij akti simbolik ne duam të dërgojmë një mesazh miqësor që do të mbetet në kujtesën e qytetarëve dhe gjeneratave të ardhshme – tha kryetari Bogdanovic.
Në maj të këtij viti, komuna e Qendrës, me mbështetjen e Ambasadës Ruse, ngriti një monument të ri, i vendosur në rrugën e rindërtuar të 9 Majit në Centar, për nder të miliona ushtarëve që sakrifikuan jetën e tyre në luftë për të rivendosur paqen në botë, lirinë dhe demokracinë.