Këshilli i BE këtë pasdite miratoi një paketë të ndihmës financiare për dhjetë vendet fqinje, përfshirë Maqedoninë Veriore, raporton MIA nga Brukseli.
Paketa e ndihmës vlen më shumë se 3 miliardë euro ndihmë makro-financiare për Ballkanin Perëndimor, plus Gjeorgjinë, Jordaninë, Moldavinë, Tunizinë dhe Ukrainën.
Maqedonia Veriore duhet të marrë 160 milion euro ndihmë. Shuma më e madhe është dhënë për Ukrainën, me 1.2 miliardë euro.
Vendet do të marrin ndihmën në formën e kredive me kushte të favorshme për t’u marrë me pasojat më urgjente të krizës së koronavirusit.
“Së bashku me Fondin Monetar Ndërkombëtar, këto fonde do të ndihmojnë në forcimin e stabilitetit makro-financiar dhe krijimin e hapësirës për të bërë të mundur që këto burime të mbrojnë qytetarët dhe të zbusin pasojat negative socio-ekonomike të pandemisë koronavirus”, tha Këshilli i BE-së.
