Pandemia Covid-19 do të zgjasë të paktën edhe për pjesën tjetër të këtij viti, tha shefi i kabinetit të Kancelares gjermane Angela Merkel për radion Deutschlandfunk.
“Ne nuk po jetojmë tani në periudhën pas pandemisë – përkundrazi po jetojmë në mes të një pandemie, e cila do të jetë me ne për një kohë – të paktën për këtë vit dhe ky është një vlerësim shumë optimist”, tha Helge Braun.
Merkel njoftoi të mërkuren për ndërmarrjen e hapave pë lehtësimin e bllokimeve.
Megjithate ajo në të njëjtën kohë nisi një mekanizëm “frena urgjence” që lejon rivendosjen e kufizimeve në rast të rritjes së infeksioneve.
