Në mbledhjen e 16 të Këshillit të Komunës së Tetovës, si pikë e dytë e rendit të ditës, u diskutua rreth raportit për gjysëmvjetorin e parë 2026 të SPB Tetovë, ku ishte i pranishëm edhe Komandanti i Stacionit Policor.
Sipas raportit kemi:
21 vjedhje të rënda
16 vepra – ndërtim pa leje
Konfiskim i lëndëve narkotike:
1,18 kg marihuanë
10,55 gram kokainë
6,82 gram heroinë
5,51 gram përzierje kafeinë & paracetamol
9041 dënime në komunikacion
323 aksidente në komunikacion
Këshilltari ynë Agron Arifi, kërkoi nga organet e rendit që të marrin masa për rritjen e sigurisë në disa lokacione brenda në qytet, në veçanti vendosjen e “policëve të shtrirë” afër shkollave nga Komuna, lirimin e trotuareve nga veturat që të parandalohen fatkeqësitë që mund të cenojnë sigurinë e fëmijëve. Gjithashtu, kërkuam të intensifikohen kontrollet dhe masat parandaluese në kuadër të luftës kundër përdorimit dhe shitjes së lëndëve narkotike në afërsi të shkollave, me qëllim mbrojtjen e shëndetit dhe të ardhmes së nxënësve tanë.
