Mes tensioneve në rritje në Lindjen e Mesme, përfshirë përshkallëzimin e situatës në Iran dhe kriza të tjera globale, Departamenti Amerikan i Shtetit vijon të rifreskojë në mënyrë të vazhdueshme udhëzimet për udhëtimet e qytetarëve të tij, transmeton Euronews.
Mes tensioneve në rritje në Lindjen e Mesme, përfshirë përshkallëzimin e situatës në Iran dhe kriza të tjera globale, Departamenti Amerikan i Shtetit vijon të rifreskojë në mënyrë të vazhdueshme udhëzimet për udhëtimet e qytetarëve të tij.
Sipas këtij institucioni, çdo shtet në botë klasifikohet në katër nivele sigurie, që variojnë nga Niveli 1, i konsideruar më i sigurti, deri te Niveli 4, që përfshin vendet me rrezik të lartë ku këshillohet të mos udhëtohet.
Në kategorinë më të lartë të rrezikut, Niveli 4, renditen shtete si Irani, Koreja e Veriut, Iraku, Libani, Rusia, Bjellorusia dhe Afganistani. Ndërsa në Nivelin 3, ku rekomandohet rishikimi i udhëtimit, përfshihen vende si Izraeli, Bahreini, Qiproja, Kuvajti, Omani, Arabia Saudite dhe Katari.
Shqipëria klasifikohet në Nivelin 2, çka nënkupton se qytetarët amerikanë duhet të tregojnë kujdes të shtuar gjatë qëndrimit. Në të njëjtin nivel bëjnë pjesë edhe vende të tjera të rajonit si Serbia, Bosnja, Kosova dhe Turqia. Ndërkohë, në Nivelin 1, ku rreziku konsiderohet minimal, përfshihen shtete si Kroacia, Maqedonia e Veriut, Mali i Zi, Sllovenia dhe Rumania.
Së fundmi, disa vende të Gjirit si Arabia Saudite, Omani, Kuvajti dhe Bahreini janë zhvendosur nga Niveli 2 në Nivelin 3, duke kaluar nga thirrja për kujdes të shtuar në rekomandimin për të rishqyrtuar udhëtimin. Irani mbetet në kategorinë më të lartë, me këshillën e qartë për të shmangur çdo udhëtim drejt këtij destinacioni.
Lista e vendeve sipas niveleve përfshin një gamë të gjerë shtetesh në të gjithë botën, nga ato me siguri të lartë në Nivelin 1, deri te zonat me rrezik ekstrem në Nivelin 4, duke reflektuar situatën aktuale të sigurisë në rang global.
