Në përputhje me Ligjin për Sigurinë në Trafikun Rrugor sot përfundon detyrimi për përdorimin e pajisjeve dimërore në automjete, i cili zgjat katër muaj dhe filloi më 15 nëntor. Kjo do të thotë se nga nesër, për automjetet që qarkullojnë në territorin e Maqedonisë, nuk do të jetë më obligativ përdorimi i gomave dimërore dhe simbolin e flokut të dëborës në një mal të stilizuar me tre maja, apo përdorimi i gomave verore të shoqëruara me zinxhirë dëbore.Sipas legjislacionit në fuqi, për mosposedimin e pajisjeve dimërore gjatë periudhës nga 15 nëntori deri më 15 mars parashihet gjobë prej 45 eurosh në kundërvlerë në denarë.
© Telegrami.mk