Maqedonia është ndër vendet në botë ku shtetësia merret më lehtë, sipas një raporti të ri nga International Living që analizon vendet që ofrojnë mënyrat më të shpejta dhe më të lehta për të marrë shtetësinë në vitin 2026. Interesi për pasaportat e dyta nuk është i ri. Ekzistojnë mënyra të ndryshme për të marrë shtetësinë, duke përfshirë shtetësinë me prejardhje dhe të ashtuquajturat “viza të arta”, të cilat shpesh janë të shtrenjta, veçanërisht në vendet evropiane si Greqia, pëcjell Nistori.
Në vitin 2026, vëmendja përqendrohet gjithnjë e më shumë në një opsion tjetër: shtetësinë me investim.
“Ekziston një alternativë më e lirë dhe shpesh më e shpejtë: blerja e një shtetësie të dytë dhe pasaportës që vjen me të. Kjo njihet si shtetësi me investim (CBI). Numri i njerëzve që më pyesin për këtë është rritur tre ose katërfish që nga fillimi i vitit”, shpjegon eksperti i diversifikimit global Ted Bauman.
Por çështja nuk është aq e thjeshtë sa duket. Edhe pse shpesh referohen si “blerja e një pasaporte”, këto programe në të vërtetë japin shtetësi në këmbim të një investimi, pas së cilës lëshohet një pasaportë.
Këto programe kanë ndryshuar ndjeshëm në dekadën e fundit.
Pas skandaleve dhe presionit diplomatik, Qiproja e mbylli programin e saj në vitin 2020, dhe Malta e mbylli atë pas një beteje ligjore me Bashkimin Evropian. BE-ja gjithashtu ka sinjalizuar se mund të sanksionojë vendet që shesin shtetësi që sjell akses pa viza në zonën Shengen.
Kjo është arsyeja pse programet tani kanë verifikim shumë më të rreptë.
“Tregu i shtetësisë me investim po kalon një ndryshim të madh global. Çmimet po rriten. Verifikimi i kandidatëve po merret shumë seriozisht. Mashtrimi dhe abuzimi po zhduken. Agjencitë e dyshimta po nxirren jashtë tregut”, thotë Bauman.
Ana pozitive është legjitimiteti më i madh. Sipas International Living, standardet më të larta mund të zvogëlojnë imazhin negativ që këto programe kanë pasur në të kaluarën.
Për shumë njerëz, vlera e një shtetësie të dytë qëndron në të paturit e opsioneve, jo në zhvendosjen aktuale. Në një botë gjithnjë e më të pasigurt, opsionet konsiderohen një aset i vlefshëm.
Cilat vende ofrojnë shtetësi me investim në vitin 2026? Vendi ynë dhe Turqia dallohen nga Evropa.
Maqedonia ofron shtetësi me investim prej rreth 200.000 eurosh, me një periudhë mbajtjeje trevjeçare, dhe është ndër vendet e listuara në raportin International Living.
Turqia: Aplikantët mund të blejnë pasuri të paluajtshme me vlerë 400.000 dollarë ose të depozitojnë 500.000 dollarë në një bankë ose investim, me detyrimin për të mbajtur fondet për tre vjet.
Në Lindjen e Mesme dhe Afrikë, Egjipti dhe Jordania janë vendet më të lehta për të marrë shtetësi.
Egjipti ofron hyrje relativisht të lirë me një donacion prej 100.000 dollarësh ose një depozitë bankare prej 500.000 dollarësh për tre vjet.
Jordania ka një program që synon investitorë shumë të pasur dhe kërkon një investim prej rreth1.4 milion dollarësh.
Kamboxhia është vendi më i lehtë për të marrë shtetësi në Azi dhe Paqësor. Kamboxhia ofron shtetësi me një investim prej rreth 245.000 dollarësh përmes një donacioni ose investimi të miratuar.
Gjithashtu në qendër të këtyre programeve është Karaibi, me numrin më të madh të ofertave aktive.
Shën Kits dhe Nevis ka një program që filloi në vitin 1984 dhe konsiderohet si një model për skema të tilla. Aplikantët mund të marrin shtetësinë me një donacion prej 250.000 dollarëshose një investim prej 325,000 dollarësh në pasuri të paluajtshme që duhet të mbahet për shtatë vjet. Nuk ka kërkesë për rezidencë.
Antigua dhe Barbuda kërkojnë donacion prej 230.000 dollarësh ose një investim prej 300.000 dollarësh në pasuri të paluajtshme. Kërkesa e vetme është një minimum prej pesë ditësh qëndrimi në pesë vitet e para.
Dominika ka një nga programet më të lira: donacion prej 200.000 dollarësh ose investim në pasuri të paluajtshme. Nuk ka kërkesë për rezidencë.
Grenada është unike në atë që qytetarët e saj mund të aplikojnë për vizën amerikane të investitorëve E-2. Investimi fillestar është 235.000 dollarë.
Në Shën Luçi, shtetësia mund të merret me donacion prej 240.000 dollarësh ose investim prej 300.000 dollarësh në pasuri të paluajtshme, pa kërkesë për rezidencë.
