Rreth 50 paraqitje për regjistrime të dyshimta të pronës kanë arritur në Kadastër, zbuloi drejtori i Agjencisë për Kadastër të Patundshmërive, Ivan Zhivkovski, gjatë paraqitjes në emisionin “Biznis21”. Një pjesë e rasteve tashmë janë përcjellë në Ministrinë e Punëve të Brendshme dhe janë në proces për procedim të mëtejshëm. Më së shpeshti bëhej fjalë për regjistrime të pronës që nuk është dashur të kryheshin, ndërsa në një pjesë të paraqitjeve tregohet edhe për një përpjekje të mundshme për korrupsion.
Zhivkovski thotë se nga udhëheqja e mëparshme kanë trashëguar mbi 1.000 lëndë dhe se të gjitha i kanë zgjidhur. Ka pasur dyshime për veprime korruptive edhe më herët.
Krahas fushatës “Mos ji bashkëpunëtor’’ për parandalimin e këtyre dukurive, Kadastari ka futur masa të brendshme për të minimizuar kontaktin mes palëve dhe nëpunësve. Lëndët nga qytete të ndryshme mund të përpunohen nga shërbime në gjithë vendin, gjë që vështirëson çdo mundësi për keqpërdorim.
