I pyetur për normalizimin e raporteve me Kosovën, presidenti i Serbisë Aleksandar Vuçiq tha se duhet ide të reja jashtë kornizave tradicionale, që sipas tij, do të ndihmon për të zgjidhur të gjitha çështjet e Ballkanit Perëndimor. Vuçiq tha se janë të gatshëm të diskutojnë për çdo ide që do të ndihmonte në anëtarësimin e plotë në BE.
“Kam folur me Charles disa herë për këtë, përpara se të largohej nga posti i Presidentit të Këshillit. Besoj se na duhen ide të reja, jashtë kornizave tradicionale, për të zgjidhur të gjitha çështjet e Ballkanit Perëndimor. Ne i përkasim Evropës. Dhe gjithmonë kemi qenë shumë të gatshëm të diskutojmë çdo ide që ndihmon në kapërcimin e vështirësive të sotme. Pa asnjë dyshim, jemi të gatshëm të shqyrtojmë çdo ide që mund të ndihmojë në arritjen e anëtarësimit të plotë në BE, sa më shpejt të jetë e mundur”, tha Vuçiq
