Ditët e fundit, Shqipëria ka jetuar për ndeshjen me Serbinë për arsye konkurruese dhe jo vetëm, pasi ekziston një histori e pasur tensionesh midis dy vendeve, si për arsye sportive, ashtu edhe për arsye politike”.
Kështu nis artikulli i medies greke, Protothema, ku flet për fitoren e Kombëtares sonë ndaj Serbisë.
Kështu, në vendin fqinj, ata kishin të gjitha arsyet për të festuar fitoren e Kombëtares Shqiptare me 1-0 të shtunën në mbrëmje, pasi ata u bënë edhe favoritë për t’u kualifikuar në Kupën e Botës 2026 në SHBA, Kanada dhe Meksikë.
“Ashtu si me Greqinë”
“Pas fitores, mijëra njerëz dolën në rrugë, me “Sport Ekspres” që krahasoi skenën në Tiranë dhe qytete të tjera të vendit me festimet që pasuan fitoren ndaj Greqisë në vitin 2004 – në atë kohë, kombëtarja shqiptare e kishte mposhtur ekipin tonë kombëtar 2-1 në një ndeshje në Tiranë.Në fakt, në Prishtinë, një burrë që mbante një flamur shqiptar rreth qafës, nxori një armë dhe filloi të qëllonte në ajër.
Pas ndeshjes, dhe ndërsa skuadra hipi në aeroplan për t’u kthyer në shtëpi, lojtarët e ekipit kombëtar filluan të këndonin parulla për Adem Jasharin (1955–1998), i cili konsiderohet hero kombëtar për shqiptarët, sepse ishte një nga anëtarët themelues të Ushtrisë Çlirimtare të Kosovës dhe luftoi për pavarësinë e saj në vitet 1990.
Ai lindi në Prekaz dhe u vra, së bashku me pothuajse të gjithë familjen e tij, në mars të vitit 1998, kur forcat serbe rrethuan fshatin e tij.
Për shqiptarët, kjo sakrificë hyri në histori si shkëndija që çoi në Luftën e Kosovës dhe e bëri Jasharin simbol të lirisë dhe revolucionit në vend, megjithëse për serbët ai është terrorist dhe përgjegjës për masakrën e mijëra civilëve. Në fund, kishte mjaft njerëz që prisnin në aeroport delegacionin shqiptar që të kthehej nga Serbia për t’i duartrokitur në këmbë”. shkruan Protothema.
