Përveç dy presidentëve, në bisedë morën pjesë sekretari i përgjithshëm i NATO-s, Mark Rutte, presidentja e Komisionit Evropian, Ursula von der Leyen, kryeministri i Britanisë së Madhe, Keir Starmer, kancelari i Gjermanisë, Friedrich Merz, kryeministrja e Italisë, Giorgia Meloni, presidenti i Finlandës, Alexander Stubb dhe presidenti i Polonisë, Karol Nawrocki.
Nga pala amerikane, krahas Trumpit, në bisedë morën pjesë emisari për Lindjen e Mesme, Steve Witkoff dhe Sekretari amerikan i shtetit, Marco Rubio.
Trump spoke for more than an hour and a half with Zelensky and the European leaders to brief them on his meeting with Putin, source says
— Barak Ravid (@BarakRavid) August 16, 2025
Sipas informacioneve të publikuara nga gazetari i mediumit amerikan, Axios, Barak Ravid, thirrja telefonike mes Trumpit, Zelenskyt dhe liderëve evropianë “nuk ishte e lehtë.”
Trump u përcolli bashkëbiseduesve mesazhin e Putinit, duke thënë se ai “nuk dëshiron një armëpushim, por një marrëveshje gjithëpërfshirëse për përfundimin e luftës”.
Gjithnjë sipas Ravidit, Trump u pajtua me homologun rus, duke thënë se “një marrëveshje e shpejtë paqeje është më e mirë se një armëpushim”.
Ndryshe, Trump pritet ta takojë gjatë ditës së hënë liderin ukrainas, Volodymyr Zelensky në Zyrën Ovale.
🚨President Trump told Zelensky and NATO leaders that Putin doesn't want a ceasefire and prefers a comprehensive agreement to end the war. According to a source on the call Trump said: "I think a fast peace deal is better than a ceasefire"
— Barak Ravid (@BarakRavid) August 16, 2025
