Presidenti amerikan, Donald Trump, ka përmendur sërish Kosovën gjatë një fjalimi publik, duke pretenduar se ka ndaluar një konflikt të mundshëm të Serbisë vetëm “tre javë më parë”.
“Po ndaloj luftëra, e urrej të vriten njerëzit,” u shpreh Trump, duke folur për angazhimin e tij të vazhdueshëm për shmangien e konflikteve ndërkombëtare.
Edhe pse nuk dha detaje të mëtejshme mbi kontekstin apo ndërhyrjen konkrete, deklarata e Trump ka tërhequr vëmendjen në Kosovë dhe rajon, veçanërisht në një kohë me tensione të shtuara ndërmjet Kosovës dhe Serbisë.
