Një lajm historik për komunitetin shqiptar në Shtetet e Bashkuara dhe më gjerë u publikua nga Ambasadori i Shqipërisë në Shkup, Denion Meidani, përmes një postimi në rrjetet sociale: gjuha shqipe është njohur zyrtarisht si një nga gjuhët e përdorura për komunikimet shkollore në sistemin arsimor publik të qytetit të New Yorkut.New York, 18 qershor 2025, shqipja u njoh zyrtarisht si një nga gjuhët e përdorura për komunikimet shkollore në sistemin arsimor publik të qytetit të New Yorkut. Një hap historik për përfaqësimin dhe përfshirjen e gjuhës të komunitetit tonë në një nga metropolet më të mëdha të botës” shkruan Ambasadori Meidani.“Gjuha është vlerë, identitet, kujtesë. Ky vendim forcon më tej lidhjet mes nesh dhe i jep gjuhës sonë një vend të merituar në jetën publike dhe institucionale të një qyteti global,” shton ai, duke nënvizuar rëndësinë e këtij zhvillimi për ruajtjen e trashëgimisë kulturore shqiptare.Në qytetin e New Yorkut fliten mbi 180 gjuhë të ndryshme, por vetëm 13 prej tyre kanë fituar statusin e gjuhës së përdorur zyrtarisht për komunikime shkollore. Tashmë edhe shqipja është pjesë e këtij grupi të ngushtë, duke reflektuar ndikimin dhe rritjen e komunitetit shqiptar në SHBA.Ky vendim i Departamentit të Arsimit të NYC pritet të lehtësojë ndjeshëm komunikimin midis shkollave dhe familjeve shqiptare, si dhe të ndihmojë në ruajtjen dhe mësimin e gjuhës shqipe tek brezat e rinj që rriten në diasporë.Gjuha jonë sa e mirë!”- përfundon Ambasadori Meidani në postimin e tij, shoqëruar me simbolet e krenarisë shqiptare dhe etiketa si **#GjuhaShqipe #ShqipjaNëNYC #KrenariShqiptare.Ky është një moment që do të mbetet gjatë në kujtesën kolektive të komunitetit shqiptar në Amerikë dhe përbën një shtysë të re për forcimin e identitetit dhe përfaqësimit kulturor në skenën ndërkombëtare.
© Telegrami.mk