“Menaxhmenti aktual i AD ESM, i emëruar në fund të gushtit të vitit të kaluar, menjëherë pas emërimit të tyre hasi sfida serioze në kompani. Përveç situatës katastrofike financiare dhe tekniko-teknologjike në kapacitetet e prodhimit të energjisë elektrike, një nga problemet më të mëdha ishte përballja me qindra personel të papërshtatshëm të punësuar përmes konkurseve të paligjshme”, tha ESM.Vetëm përmes konkursit të fundit, në prag të zgjedhjeve të fundit parlamentare më 31 dhjetor 2023, u krijuan saktësisht 699 vende pune. Bëhet fjalë për personel partiak dhe të papërshtatshëm, shumica e të cilëve, deri në gusht të vitit të kaluar, pra para ardhjes së ekipit të ri drejtues, as nuk u paraqitën në vendet e tyre të punës, megjithëse merrnin rregullisht rrogë dhe u paguheshin kontribute. Këto vende pune u krijuan përmes abuzimit të rëndë të sistematizimeve në të gjitha degët e AD ESM, gjë që tregon një mosrespektim sistematik të procedurave dhe abuzim të mundshëm të pozicionit zyrtar në periudhën e mëparshme.Për të siguruar zbatimin në kohë dhe të duhur të proceseve të punës, AD ESM duhet të plotësojë disa nga pozicionet e lira përmes punësimit të përkohshëm të stafit profesional. Paralelisht, janë duke u zhvilluar procedurat për harmonizimin dhe miratimin e sistematizimeve të reja, me qëllim optimizimin e plotë të burimeve njerëzore. Kjo përfshin një rishikim të vendeve ekzistuese të punës, përcaktimin e nevojave reale të kompanisë dhe vendosjen e procedurave transparente dhe ligjore të punësimit. Deri në miratimin e sistematizimeve të reja në të gjitha njësitë afariste të Kompanisë – çdo punësim i përkohshëm do të kryhet ekskluzivisht në përputhje me rregulloret pozitive ligjore.
© Telegrami.mk