Zyra e Presidentit francez Emmanuel Macron ka mohuar kategorikisht lajmet që qarkulluan në rrjetet sociale, sipas të cilave ai kishte një qese me kokainë gjatë një udhëtimi me tren për në Kiev fundjavën e kaluar.
Videoja që ndezi spekulimet është shpërndarë gjerësisht në rrjet, pasi Macron u filmua duke marrë një objekt të bardhë dhe të zhubravitur nga tavolina, ndërsa qëndronte pranë kancelarit gjerman Friedrich Merz dhe kryeministrit britanik Keir Starmer, gjatë udhëtimit të përbashkët drejt Kievit, raportoi Politico.Zyra e presidentit, Pallati i Elizesë, reagoi menjëherë në rrjetet sociale:Kjo është një shami. Për të fshirë hundët. Duhet të qëndrojmë vigjilentë ndaj manipulimeve. Kur uniteti evropian bëhet i papërshtatshëm për disa, dezinformimi shkon deri aty sa edhe një shami e thjeshtë paraqitet si drogë.”
Elizeu fajësoi armiqtë e Francës për përhapjen e këtij lajmi të rremë. Edhe pse nuk u përmend asnjë palë në mënyrë të drejtpërdrejtë, Politico raportoi se zëdhënësja e Ministrisë së Jashtme ruse, Maria Zakharova, ishte ndër ata që shpërndanë videon.
Sipas Politico-s, qëndrimi i fortë i Elizesë ndaj dezinformimit i atribuohet zëdhënësit të ri ndërkombëtar të Macron-it, Jean-Noël Ladois, i cili ka sjellë një qasje më agresive në mbrojtje të informacionit të saktë.
Një zyrtar i Elizesë tha për Politico:
“Është duke i mohuar që në fillim, që i dobësojmë ato [dezinformimet].”
Ky episod pason një rast tjetër nga muaji i kaluar, kur Elizeu kundërshtoi raportimet se ish-presidenti Donald Trump kishte përjashtuar Macron-in nga bisedimet me presidentin ukrainas Volodymyr Zelenskyy në Vatikan.
