Pika kufitare “Bllacë”, ndër më të frekuentuarat dhe më të përfolurat kohëve të fundit!
Kjo për shkak të kolonave kilometrike dhe pritjeve të gjata të qytetarëve për të kaluar nga Maqedonia në Kosovë dhe anasjelltas.
Po ka shpresë se ky stërmundim i qytetarëve mund të marrë fund në prill!
Kjo për shkak se më së voni në këtë muaj, siç tha ministri i Punëve të Brendshme Pançe Toshkovski, do të nisë të funksionojë “One Stop Shop”.Ai, ministri i brendshëm i Kosovës Xhelal Sveçla dhe zëvendëskryeministri i parë Izet Mexhiti u takuan mu në këtë pikë kufitare ku dhe dhanë sihariqin.
