LSDM-ja opozitare vazhdon me akuzat ndaj pushtetit për mungesën e terapive biologjike në Klinikën e Onkologjisë. Sipas tyre, derisa pacientët në Klinikën e Onkologjisë po luftojnë për jetën e tyre, Qeveria e VMRO-DPMNE-së dhe zyrtarët e saj të paaftë po tregojnë mosinteresim të plotë për shëndetin dhe jetën e qytetarëve. Për një javë e tërë Klinika ka mbetur pa barna bazë për terapi biologjike dhe personat në gjendje kritike janë të detyruar të kërkojnë mënyra për të shpëtuar veten. Kjo është një fatkeqësi që është rezultat i qasjes jashtëzakonisht amatore dhe të çorganizuar të qeverisë. Ata akuzojnë drejtorin e Fondit Shëndetësor, Sasho Klekovski se në vend që të kërkojë zgjidhje urgjente po përdorë të njëjtën histori arsyetimesh. Një gjë është e qartë: paaftësia dhe mosinteresimi i kësaj qeverie rrezikon drejtpërdrejt jetë njerëzore. Çdo ditë vonesë do të thotë jetë të humbura. Është koha për veprim dhe përgjegjësi urgjente – kjo nuk është më vetëm çështje politike, por çështje jete a vdekjeje, thuhet mes tjerash në reagimin e LSDM-së. /Alsat.mk
© Telegrami.mk