Zëvendëskryeminsitri për Qeverisje të Mirë, Arben Fetai në Daily Click në TV21, komentoi edhe porosinë e mbrëmshme që kreu i BDI-së, Ali Ahmeti i dërgoi koalicionit VLEN.
Fetai tha se Ahmeti flet nga përvoja personale si hysmeqar i Gruevskit dhe Mijallkovit.
“Flet nga përvoja pasi që përmendi fjalët hysmeqarë, argat. Por kush janë ata hysmeqarë që paska traditë VMRO-ja t’i rekrutojë, kur flasim për traditë i referohemi të kalurës. Ne nuk kemi të kaluar me VMRO-DPMNE-në. Ne jemi në Qeverisje me VMRO-DPMNE-në e Hristijan Mickoskit 6 muaj, BDI në anën tjetër thuajse gjysmën e qeverisjes e ka pasur me Nikolla Gruevskin dhe Sasho Mijallkov. Unë besoj se z.Ahmeti flet nga përvoja e tij personale si hysmeqar i Gruevskit dhe Mijallkovit gjë që u faktua edhe me lëvizjet që i kanë bërë vitet e fundit, ndryshimi i Kodit Penal u bë për rikthimin e Gruevskit”, tha Fetai në Daily Click në TV21.
