Avokati Spartak Ngjela ka komentuar iniciativën e kryeministrit Edi Rama për të ndërtuar një shtet bektashi në vend, si stili i Vatikanit për të promovuar tolerancën fetare.
Ngjela e konsideroi këtë nismë të qeverisë të gabuar, duke theksuar se Kushtetua jonë nuk e lejon, pasi është vepër penale në shkelje të ligjeve.
“Rama po gabon. Nëse do të realizohet, kërkohet referendum. Por edhe referendum është i paligjshëm. Është absolutisht e gabuar dhënia e territorit. Territori nuk jepet, është pronë e popullit.
Kushtetuta dhe ligji nuk e lejon, nëse do të kryhet është vepër penale. Arrestohen edhe nëse e diskutojnë në Parlament. Nuk mund ta realizojmë sipas shembullit të Vatikanit. Nuk mund të ketë shtet brenda shtetit në Shqipëri.
Që të vijë gjithë bota arabe këtu. Nuk e lejon as momenti ynë, si shtet juridik. Nuk ka askush të drejtë të japë territor, është krim në Kod Penal. Menjëherë këtë çështje e merr SPAK në dorë, arrestohen të gjithë që përfshihen në nismë. Rama si duket nuk është këshilluar me ekspertë për këtë çështje”, tha avokati në një intervistë në Dritare TV.
