Ish-kryetari i Partisë Liberale dhe ish deputeti Ivon Veliçkovski ka komentuar problemet që presidentja e Kosovës, Vjosa Osmani kishte në Aeroportin e Shkupit.
Para se të fokusohemi në procedurën e sigurimit të Gashit, le t’i përgjigjemi pyetjes: A kalojnë të gjithë kryetarët/ministrat e jashtëm/kryetarët e Kuvendit dhe VIP-at e ngjashëm në skanerin në aeroportin e Shkupit gjatë vizitës apo tranzitit?
Më lejoni të bëj të njëjtën pyetje ndryshe: A është kontrolluar valixheja e Presidentes së Kosovës Vjosa Osmani kur ka kaluar kufirin p.sh. të Bllacës?
Sipas asaj logjike, nesër Davkovës në kufi do t’i thuhet të hapë bagazhin e saj për të kontrolluar se a mban ajvar kur viziton manastirin e Shën Prohor Pçinski?
Apo kontrollimi i Vjosa Osmanit duhet t’i mundësojë Davkovës një takim më të këndshëm nesër me nikoqirin Vuçiq në territorin serb?
Dhe së fundi, imagjinoni nëse një zyrtar në “Petrovec” të Shkupit do t’i kërkonte Vuçiqit që të hapte bagazhin e tij personal gjatë tranzitit.
Nuk dua as të harxhoj fjalë dhe të pyes nëse dikush e ka kontrolluar bagazhin e dorës së Lavrovit gjatë vizitës së tij në samitin e OSBE-së në Shkup gjatë tetorit të kaluar.
Dëshira e kësaj qeverie për të problematizuar marrëdhëniet me fqinjët e saj (me përjashtim të Serbisë) është e qartë që në ditën e parë. Synimi për të mbetur në prapavijë mbështetja e Vuçiqit është prioritet i dukshëm i autoriteteve të VMRO-DPMNE-së dhe ZNAM-it. Për VLEN – ata do të tregojnë.
Prishja e marrëdhënieve me Kosovën, që është synimi kryesor me poshtërimin e presidentit të shtetit, përforcon pyetjen nga titulli “Kush është truri i përpjekjes për të poshtëruar Vjosa Osmanin?”.
