Akademiku Alajdin Abazi-ish Rektor i Universitetittë Evropës Juglindore-SHTUL-Tetovë, i cili është njëri nga dy nënkryetarët aktualë të Akademisë së Shkencave dhe Arteve të Maqedonisë (MANU), në një prononcim për TV24 thotë se nuk mund të ketë dy akademi kombëtare të shkencave dhe arteve.
“Sipas parimeve nuk mund të ketë dy akademi kombëtare të shkencave dhe arteve, komunat nuk mund ta financojnë akademinë siç propozohet. Kemi një Akademi për të gjithë”, thotë Akademiku Abazi.
Ky është një tjetër nga seria e reagimeve të akademikëve, partive politike, institucioneve dhe individëve pas njoftimit të koalicionit “Vredi” se do të themelojnë “Akademinë Shqiptare të Shkencave dhe Arteve” që fillimisht do të financohet nga buxheti i bashkisë, dhe atëherë do të punojnë për financimin e saj nga shteti.
Nga të gjitha anët vijnë reagime të dhunshme pasi VREDI-t iu kërkua themelimi i Akademisë Shqiptare të Shkencave dhe Arteve.
