Qeveria e Meksikës ndërpreu marrëdhëniet diplomatike me Ekuadorin pasi policia hyri në ambasadën meksikane për të arrestuar një ish-zëvendës president ekuadorian, një përdorim i jashtëzakonshëm i forcës që tronditi dhe mistifikoi liderët dhe diplomatët rajonalë.
Policia ekuadoriane të premten vonë depërtoi dyert e jashtme të ambasadës në kryeqytetin, Quito, për të arrestuar Jorge Glas, i cili banonte atje që nga dhjetori. Glas kërkoi azil politik në ambasadë pasi u padit për korrupsion.
Bastisja bëri që presidenti i Meksikës Andrés Manuel López Obrador të njoftojë ndërprerjen e marrëdhënieve diplomatike me Ekuadorin të premten në mbrëmje, ndërsa sekretari i marrëdhënieve me jashtë të qeverisë së tij tha se masa do të kundërshtohet në Gjykatën Botërore në Hagë, raporton Associated Press.“Kjo nuk është e mundur. Nuk mund te jete. Kjo është çmenduri,” tha Roberto Canseco, kreu i seksionit konsullor meksikan në Quito, për shtypin lokal ndërsa qëndronte jashtë ambasadës menjëherë pas bastisjes. “Jam shumë i shqetësuar sepse mund ta vrasin. Nuk ka asnjë bazë për ta bërë këtë. Kjo është krejtësisht jashtë normës”.
