Kryeministri i Maqedonisë së Veriut, Talat Xhaferi, ka thënë se ende s’ka ftesë për vizitë zyrtare në Kosovë

Kryeministri i Maqedonisë së Veriut, Talat Xhaferi, ka thënë se ende s’ka ftesë për vizitë zyrtare në Kosovë. Gjatë një konference  para mediave të Kosovës,  në Tiranë,  pas Samitit BE-Ballkani Perëndimor, ai tha se në kuadër të Planit të rritjes për Ballkanin Perëndimor përfshihet edhe Kosova. Gjithsesi që aspekti i Planit për Rritje të Ballkanit Perëndimor nuk është përjashtues për asnjë prej vendeve të rajonit. Vetë nocioni,  Ballkan Perëndimor,  përfshinë të gjitha vendet edhe Kosovën. Çështja është e raporteve dhe vendosjes së komunikimit të duhur dhe plotësimit të aspekteve që nënkupton plani i rritjes. Nevoja është që ta hapen rrugët e gjelbra, në kuptimin e mallrave, bizneseve që në mënyrën më të shkurtë kohore të shkojnë në destinacion në tjetrin. Esenca është që vendet e Ballkanit Perëndimor mos ti bëhen njëra-tjetrës pengesë në këto kërkesa, tha kryeministri i Maqedonisë së Veriut, Talat Xhaferi.