Në ditët në vijim rreth 100 mijë studentë do të marrin ndihmë financiare nga paketa e 9-të e masave antikrizë. Pagesa bëhet me faza dhe tashmë ka nisur, pasi MAS merr të dhënat, pagesat përgatiten.
Në 6 muajt e ardhshëm 35.000 gjimnazistë do të marrin 1.800 denarë në muaj, pra gjithsej 10.800 denarë deri në fund të vitit shkollor. Ndërsa 70.000 nxënës të shkollave fillore deri në qershor do të marrin 1.200 denarë në muaj. Pakoja e re përfshin vetëm ata nxënës, prindërit e të cilëve kanë të ardhura totale mujore deri në 50.000 denarë. Edhe pse mendojnë se duhet të ketë mbështetje financiare për studentët e tjerë, Unioni i Studentëve e vlerëson pozitivisht këtë masë. Ata thonë se numri i aplikimeve është i lartë.
Sipas sindikatës së gjimnazistëve, regjistrimi në disa shkolla ishte më i lehtë se në të tjerat.
“Shumat janë të mira, janë dhënë për një numër të madh gjimnazistësh, kanë aplikuar një numër i madh i gjimnazistëve. Do të ishte mirë nëse do t’u jepej edhe nxënësve të rregullt, aktivë, me nota të mira dhe do të ishte mirë që të merrnin një shumë parash, e cila do t’u jepte motivim për atë që kanë bërë deri më tani”. – Berin Muhamed – kryetar i Unionit të Gjimnazistëve
Ndërkohë, MAS shpalli një thirrje të re të dytë për aplikim dhe ata që aplikuan tashmë në dhjetor nuk duhet të aplikojnë më.
Mbështetja financiare përmes paketës së re në muajin dhjetor tashmë është dhënë për përfituesit e një shtesë të veçantë, personat me aftësi të kufizuara, prindërit e vetëm dhe pensionistët. Dhe pagesa e radhës, e dyta me radhë, për këto kategori qytetarësh u shpall në fund të këtij muaji.
