Ministri i Brendshëm i vendit, Taulant Balla ka reaguar pas operacionit të SPAK të zhvilluar mbrëmjen e djeshme. Gjatë operacionit u lëshuan 11 urdhër-arreste.
Në një reagim zyrtar, Balla shprehet se ky operacion erdhi si rezultat konkret i hetimeve profesionale nën drejtimin e Prokurorisë Posaçme kundër Korrupsionit dhe Krimit të Organizuar.
Po ashtu ai shton se vijon puna për gjetjen dhe ndalimin e personave të tjerë që ndodhen jashtë territorit të Shqipërisë.
