Studenti nga Gostivari, Jahja Nur Zulbeari ka fituar vendin e parë në #NASA – Space App Challenge 2023, njofton Gostivari Sot
Për këtë shkak, Zulbeari është pritur në takim nga kryetari i degës së BDI në Gostivar, Valdet Xhaferi.
“Sot takova studentin gostivaras, Jahja Nur Zulbeari i cili së bashku me ekipin e tij siguroi vendin e parë në NASA – Space App Challenge 2023, duke tejkaluar mbi 80 pjesëmarrës të tjerë nga qytete të ndryshme të vendit. Jahja Nurit i uroj suksese të vazhdueshme në të ardhmen në rrugëtimin e tij për të eksploruar në fushën e teknologjisë. Krenar me të rinjtë e të rejat e Gostivarit që me talentët që kanë e ngrisin emrin e qytetit në piadestalet më të larta”, shkruan Xhaferi.Jahja Nur Zulbeari ka qenë nxënës në kolexhin “Yahya Kemal”, në Tetovë. Nga ky kolexh uruan Zulebearin për suksesin e arritur. Gostivari Sot
