Zyrtari i Policisë së Kosovës nga drejtoria në Mitrovicë të Veriut, Veton Elshani, ka thënë se situata në pjesën veriore të vendit për momentin është e qetë.
Elashni ka thënë se policia do të veprojë në bazë të situatës që do të krijohet, duke theksuar se të gjitha rrugët janë të kalueshme në veri të vendit dhe policia.“Në bazë të obligimeve tona ligjore ne kemi asistuar në hyrjen e kryetarëve në zyrat e tyre kemi pasur disa incidente të vogla… kryetarët kanë hyrë në objektet komunale dhe janë në to. Nuk mund të them saktë për lëndimet dhe dëmtimet me vonë ato përcaktohen, situata ka qenë paksa e tensionuar por tash situata tashmë është e qetë dhe momentalisht jemi duke kontrolluar edhe në të ardhmen do të vazhdojmë kështu, ashtu siç do të jetë situata ashtu edhe do të veprojmë edhe ne. Të gjithash rrugët janë të kalueshme, sidoqoftë policia është e kujdesshme dhe ne do të marrim të gjitha masat nëse ka nevojë”, ka thënë Elshani për Dukagjini tv
