Me strategjitë për digjitalizim dhe media në të ardhmen do të rregullohet përdorimi i mediave sociale për avancimin e shoqërisë, dhe jo për pasoja të padëshiruara, tha kryeministri Dimitar Kovaçevski në përgjigje të pyetjes së një gazetari nëse planifikohet të hiqet aplikacioni Tik Tok sepse është duke u bërë i rrezikshëm për përdorim.
Gjatë vizitës së sotme në Komunën e Gostivarit, Kovaçevski theksoi se që nga fillimi i aplikimit të mediave sociale, ekspertët treguan se do të vijë një moment kur për shkak të mënyrës së krijimit dhe funksionimit të tyre, do të jetë e vështirë të kontrollohen dhe se funksionimi i tyre do të duhet të rregullohet.
“Mediat sociale janë një fenomen i ri në shoqëri. Në kohën kur ata u shfaqën më shumë se 10 vjet më parë, ato ishin absolutisht interesante për të gjithë. Megjithatë, prej atëherë ekspertët flisnin se do të vijë një kohë kur mediat sociale në mënyrën se si janë krijuar dhe në mënyrën se si funksionojnë do të jenë të vështira për t’u kontrolluar, praktikisht e pamundur dhe se do të vijë një kohë kur do të duhet të bëhet rregullimi. Nuk e kam fjalën për një shtet, por rregullim në lidhje me funksionimin e tyre të përgjithshëm”, tha Kovaçevski.
Ai theksoi se ka shembuj të ndryshëm në lidhje me përdorimin e mediave sociale dhe aplikacioneve të tjera 4G dhe 5G që përdoren në rrjetet publike të telekomunikacionit.Natyrisht, në vendin tonë, në përputhje me strategjinë e digjitalizimit dhe strategjinë e medias, në të ardhmen do të mendojmë për përdorimin e mediave sociale, këtu nuk po flas për të gjitha, nuk po flas për disa kufizime. por për rregulloren që do të mundësojë shfrytëzimin e tyre për të avancuar shoqërinë, e jo për t’u përdorur për diçka që ne nuk dëshirojmë ta kemi si pasojë në shoqëri”, tha Kovaçevski.
