Vetëpëlqimi, arroganca dhe fyerjet e kryeministrit nuk do t’i bëjnë rezultatet e kësaj qeverie më të mira se ato të shënuara në raportin vjetor të Bashkimit Evropian për progresin e Maqedonisë. Raporti vë në dukje mangësitë në qeverisje. Por reformat duhet të jenë për qytetarët. Jo për elitat e veta në ndërtesën e Ilindenska, theksoi Stefan Andonovski nga VMRO-DPMNE në një konferencë për media.
Është e qartë, shton ai, se Qeverisë nuk i interesojnë reformat.
“Dhe ky është një fakt që nuk mund të shmanget me ngjarje dhe konferenca të shtrenjta për shtyp. Kovaçevski duket se i ka fjetur rekomandimet e Komisionit Evropian nga viti 2021 dhe 2020.” Andonovski vlerëson se zbatimi mungon në fushat kryesore. Kjo, siç tha ai, i referohet veçanërisht rekomandimeve për reformën e administratës publike, ndërtimin e konkurrencës në treg, lëvizjen e lirë të mallrave dhe punëtorëve, si dhe të drejtën në pronësi intelektuale.
“Vlerësimi i Komisionit Evropian, në shumë pjesë, është se nuk ka progres në zbatimin saktësisht të rekomandimeve të Komisionit në disa raporte të mëparshme. Por derisa Qeveria të flasë me ofendime ndaj opozitës, ne do të flasim me fakte. Në fushën e reformës së administratës publike, BE-ja i vë në dukje Qeverisë se të gjitha rekomandimet e vitit të kaluar nuk janë adresuar në masë të mjaftueshme. “Rekomandimet për përmirësimin e procedurave për eliminimin e nepotizmit, klientelizmit dhe miqësisë, përfshirë emërimin e drejtuesve dhe anëtarëve të bordeve mbikëqyrëse dhe drejtuese, nuk janë zbatuar. Në të njëjtën situatë është edhe lufta kundër korrupsionit dhe krimit të organizuar”, shton ai.
Sipas raportit për aktivitetet e GRECO-s për vitin 2020, i cili vërehet edhe në këtë raport, Maqedonia, thekson Andonovski, ka realizuar vetëm 52 për qind dhe ka zbatuar pjesërisht 40 për qind të rekomandimeve.
“Nëse i përmbledhim notat, Qeveria në Maqedoni ka shkallën më të ulët të përparimit në gjithsej 35 pozita. Qeveria në 35 fusha nuk ka arritur progres më të lartë se nota 2. Kjo paraqet mungesë respekti si për BE-në ashtu edhe për KE-në, për të cilën Qeveria ka vetëm fjalë të bukura dhe nuk ka vepra, por mbi të gjitha është mungesë respekti për qytetarin maqedonas. që pret rezultate. Dhe për këtë nuk ka faj opozita. Për këtë fajin e ka paaftësia, përtacia, arroganca dhe pafytyrësia e qeverisë”, theksoi Andonovski.
