Dy nga figurat kryesore botërore kanë pësuar incidente me automjete në të njëjtën ditë ndërsa ushtritë respektive të tyre gjenden në luftë prej mbi 6 muajsh. Kështu presidentit rus dyshohet se i vunë një bombë në makinë, ndërsa mjeti i Zelenski pësoi aksident.
Një ngjarje e çuditshme për rrethanat në të cilat ndodhen dy shtete fqinje ka ndodhur gjatë së mërkurës.
Liderët e dy shteteve në luftë me njëra-tjetrën, Rusisë dhe Ukrainës kanë pësuar dy incidente ndërsa ishin duke lëvizur me eskortat e tyre.
Makina e liderit të Ukrainës Volodimir Zelenski është përfshirë në një aksident gjatë mbrëmjes të së mërkurës në Kiev ndërsa eskorta e tij ishte duke u kthyer nga qyteti i Izjumit në veri të vendit.
Fatmirësisht presidenti ukrainas nuk ka marrë lëndime të rënda, ndërsa drejtuesi i automjetit tjetër me të cilin makina e tij u përplas është transportuar në spital.
Kreu i shtetit ishte duke u kthyer nga një udhëtim ditor në Izjum në rajonin e Karkivit i cili ka qenë nën pushtimin rus prej muajsh dhe u çlirua vetëm disa ditë më parë nga forcat ukrainase.
