Nga data 11 deri më 13 gusht në Mavrovë do të mbahet shkolla verore për Liderë të Rinj “Peace Forum Dialogue”, që organizohet nga Ministria për Sistem Politik dhe Marrëdhënie Ndërmjet Bashkësive.
Nga ana tjetër, më 13 gusht në sheshin Skënderbeu në Shkup do të mbahet “Peace Festival ‘23” ku do të marrin pjesë shumë artistë eminent të estradës shqiptare si Noizy, Ylli Ilmani, Mc Kresha, Lyrical Son, Ledri, Tuna dhe Bardhi.
Këto dy ngjarje bëhen për shënimin e 22 vjetorit të nënshkrimit të Marrëveshjes Kornizë të Ohrit.
