Mark Zuckerberg “lavdëron” Donald Trump / Është numri një në Facebook

112

CEO i Facebook Mark Zuckerberg  i tha Presidentit amerikan Donald Trump se është ”numri një”, në platformën më të madhe të rrjeteve sociale.

”Kam darkuar me Mark Zuckeberg një ditë dhe ai tha do ju përgëzoj, jeni numri një në Facebook”, tha Trump.

Presidenti duke folur në një intervistë të drejtpërdrejtë me prezantuesin e emisionit në radio Rush Limbaugh, nuk specifikoi se kur ndodhi darka. Trump vuri në dukje rëndësinë e rrjeteve sociale në mesazhet e tij, e cila varet nga anashkalimi i pjesës më të madhe të mediave profesionale të lajmeve, të cilat ai i akuzon për paragjykim ndaj tij.

Platformat e mediave sociale në SHBA janë kritikuar për lejimin e dezinformatave dhe lajmeve të rreme në krijimin e zgjedhjeve presidenciale të vitit 2020. Vetë Trump ka përdorur vazhdimisht Facebook dhe ku në Twitter ka 70.000.000 followers për të shtyrë deklarata të pavërteta dhe teori konspirative.

Të dyja këto platforma janë përgjigjur duke thënë se nuk do të përpiqen të heqin gënjeshtrat e politikanëve sepse deklaratat e tyre hyjnë nën kategorinë e përmbajtjes “të lajmeve”.