32,500 banorë janë nën urdhër evakuimi për shkak të zjarrit në Eaton në Los Angeles. Lajmi u dha nga sherifi i qarkut, Robert Luna i cili shpjegoi se përpara gjithçka po jepet përparësi shpëtimit të jetëve.Ka urdhra evakuimi për banorët që jetojnë në Altadena, Pasadena dhe rajonet përreth, me 32,500 njerëz aktualisht nën urdhra evakuimi në zonë. 38,600 banorë janë nën paralajmërime evakuimi.
Luna thotë se kjo është një situatë që ndryshon “me shpejtësi” dhe vëren sesi vetë stacioni i sherifit të Altadenës u evakuua sot dhe punonjësit u detyruan të largoheshin. Shefi i zjarrfikësve të qytetit të Los Anxhelosit thotë se një tjetër zjarr që u ndez pranë zonës Sylmar të qytetit mbrëmë është rritur në 500 hektarë. Kristin Crowley thotë se ky zjarr shkaktoi evakuimin emergjent të më shumë se 3,000 njerëzve nga zona.
”Ne duam të sigurohemi që të gjithë të kuptojnë se nuk jemi ende jashtë rrezikut”,-thotë ajo, duke vënë në dukje se ka erëra të forta që po vazhdojnë të përhapin zjarret. Zjarri tani është pothuajse dyfishuar në madhësi që nga përditësimi i fundit, duke mbuluar 2227 hektarë. Si pasojë e situatës janë mbyllur 100 shkolla nga 1000 që është numri i përgjithshëm i tyre.
