Në një fjalim video mbrëmë, presidenti ukrainas Volodymyr Zelensky paralajmëroi liderët perëndimorë që do të takohen sot në Bruksel se Rusia po përdor fuqinë e saj ekonomike për të parandaluar aleatët e Ukrainës që të ndërhyjnë në luftë.
“Ne e dimë se rusët tashmë kanë filluar të lobojnë për interesat e tyre. Këto janë interesat e luftës. Ne e dimë se ata po punojnë me disa partnerë”, tha Zelenski përpara samitit të G7, NATO-s dhe Bashkimit Evropian sot në Bruksel.
“Qëndrimi ynë i prerë do të prezantohet në të tre samitet. “Në këto tre samite do të shohim se kush është mik, kush është partner dhe kush nuk është dorëzuar për para”, tha Zelenski.
Rreth 40% e Evropës furnizohet me gaz rus. Udhëheqësit evropianë po kërkojnë burime alternative të energjisë ndërsa vendosin sanksione ndaj Moskës.
Zelenski do t’i drejtohet samitit të NATO-s përmes lidhjes video dhe pritet të kërkojë armë më të avancuara, duke përfshirë një aeroplan dhe një sistem kundërajror.
Biden, i cili ndodhet gjithashtu në Bruksel, pritet të shpallë sot sanksione të reja kundër Rusisë.
