Ndaj konferencës për media të Sekretarit të Alternativës, ka reaguar deputeti i pavarur, Skënder Rexhepi Zejd, i cili dikur ka qenë pjesë e të njëjtës parti. Rexhepi u shpreh se Ibrahimi sot derdhte lot krokodili për diçka që nuk e kanë bërë në 13 muajt sa kanë qenë në Qeveri.
U desh që t’ia marrin Ministrinë e Shëndetësisë, t’i largojnë nga Qeveria dhe ta ngrenë zërin për rastet e montuara që është një turp i llojit të vet. Unë me kryeministrin jam takuar para 3 ditësh dhe nuk e kam parë fare të arsyeshme që të lajmëroj mediat pasi që kisha intencë që të kryhej puna e letrës sepse dukej sikur të jetë abuzim me rastet e montuara politike, u stërzgjat, u stërvonua dhe ishte e pandershme që të dal në press konferencë lidhur me këtë marrëveshje që e arritëm me kryeministrin, por sot jam i detyruar ta them, u arrit marrëveshja që letra, të cilën Alternativa nuk e ka kërkuar 12 a 13 muaj sa janë në qeverisje, që të shkoje kaq gjatë, të rregullohet një pjesë dhe të shkojë në afat sa më të shkurtër deri te Komisioni Europian”, tha Zejdi.
