“Në fillim duhet të përfundojnë negociatat për mazhorancën parlamentare me Alternativën. Nëse plotësohet dhe shpallet publikisht, do të bëhet vlerësimi me një shumicë të qëndrueshme dhe të shtuar parlamentare për të hyrë në Kuvend me procedurë për zgjedhjen e qeverisë me Alternativën, në varësi të negociatave me Bullgarinë. “Një nga arsyet më të rëndësishme pse Alternativa do të hynte në qeveri është sigurimi i një qeverie të qëndrueshme dhe një shumicë stabile për shkak të fillimit të negociatave me BE-në”, tha Zaev.
Pas deklaratës së djeshme të zëvendëskryeministrit të parë Artan Grubi nga BDI, sot kolegu i tij i Jashtëm Bujar Osmani i bëri thirrje Zaevit që të mbetet kryeministër, të mos rrezikojë proceset integruese evropiane dhe vendi të mos hyjë në probleme të reja.
Nga ana tjetër, lideri i VMRO-DPMNE-së Hristijan Mickoski kërkon që Zaev pas dorëheqjes së tij në parti, të japë dorëheqje në Qeveri.
