Departamenti amerikan i Thesarit tha se ka sanksionuar tre individë që kanë ndihmuar përpjekjet e presidentit të Republikës Serbe Milorad Dodik, për të dëmtuar paqen dhe qëndrueshmërinë e Bosnjës dhe Hercegovinës.
Branislav Okuka, Jelena Pajiç Bastinac dhe Srebrenka Goliç, kanë punuar për organizimin e përkujtimit të “Ditës së Republikës Serbe” me 9 janar 2024, një veprimtari e cilësuar si antikushtetuese në Bosnjë, duke lehtësuar përpjekjet e Milorad Dodikut për të dëmtuar Marrëveshjen e Paqes, autoritetin e Gjykatës Kushtetuese dhe Përfaqësuesit të Lartë për Bosnjën.
“Shtetet e Bashkuara janë thellësisht të shqetësuara për përpjekjet e vazhdueshme për të dëmtuar Marrëveshjen e Paqes dhe Kushtetutën e Bosnjës, dy institucione thelbësore për paqen dhe qëndrueshmërinë në rajon”, tha nënsekretari i Thesarit Brian E. Nelson. “Ne do të vazhdojmë të mbajmë përgjegjës ata që kërkojnë të mbjellin ndarje për të arritur qëllimet e tyre politike në kurriz të popullit të Bosnjës”, tha ai.
Nastavit ćemo koristiti sankcije kada je sigurnost i stabilnost BiH ugrožena, kada pojedinci djeluju protivno Dejtonskom sporazumu ili kada potkopavaju demokratske institucije BiH.
Pročitajte obavijest Ministarstva finansija SAD ⬇️https://t.co/BsoNJ9BPEX
— US Embassy Sarajevo (@USEmbassySJJ) March 13, 2024
