LSD-ja dinte dhe miratonte çdo vepër kriminale të Artan Grubit. LSD-ja përveç BDI-së e ka krijuar edhe Grubin, i cili i ka bërë dëm shtetit si askush më parë, reagojnë nga VMRO-DPMNE.
“Krimet dhe skandalet e Grubit janë të shumta, duke filluar nga krimi në Lotari, ku ai dhe shoku i tij Përparimi vodhën disa milionë euro, përmes dyqanit në rrugën “Maqedonia” që e bleu me çmim të volitshëm, e deri te tenderët e dhënë prej disa qindra mijëra euro në shoqërinë e vëllait të tij nga shërbimi që ai drejtonte.
Dhe këto janë vetëm disa nga skandalet dhe krimet në të cilat Grubi është personazhi kryesor dhe për të cilat është i informuar edhe opinioni maqedonas.
Nëse opinioni, gazetarët, mediat dhe VMRO-DPMNE si opozita e atëhershme e dinin për krimin e Artan Grubit, padyshim që e dinin nga LSD partia e atëhershme në pushtet e cila ishte në koalicion qeveritar me BDI-në.
Është e qartë për të gjithë ne që LSD e dinte dhe e lejonte Grubin të vidhte sa të donte dhe për këtë ka disa arsye. Së pari, sepse ndoshta edhe kanë vjedhur dhe kanë qenë bashkëpunëtorë në krimin e Grubit, por edhe nga dëshira për të qëndruar sa më gjatë në pushtet. Nga frika se nëse thonë ndonjë fjalë kundër Grubit, do të prishet koalicioni i tyre kriminal”, thuhet në reagimin e VMRO-DPMNE-së.
Nga aty theksojnë se vetë heshtja dhe mosmarrja e asnjë mase që Grubi të ndiqet nga organet e drejtësisë konsiderohet si bashkëfajësi, andaj po LSDM përveç që janë krijues të Artan Grubit janë edhe bashkëpunëtorë të tij.
“Për këtë heshtje, miratim dhe bashkëfajësi në krimin e Grubit, LSD u detyrohet qytetarëve maqedonas një falje. Sepse, për të qëndruar më gjatë në kolltuqet komode qeveritare, nuk u lanë të thonë asnjë fjalë për skandalet, krimin dhe sjelljet arrogante të Artan Grubit”, shtohet në reagimin e VMRO-DPMNE-së.
