Koalicioni VLEN, pasi presidentja Gordana Siljanovska Davkova nuk e përdori emrin kushtetues të shtetit gjatë betimit në Kuvend, tha se nuk duhet të hapen plagë të vjetra dhe se presidenti duhet të jetë shembull i respektimit të Kushtetutës.
- Shprehim shqetësimin se emocionet nga fushata prekin racionalitetin që në hapat e parë në politikën reale. Ne i kuptojmë ndjenjat e popullit maqedonas, por nuk ka asnjë shans të dytë për një përshtypje të parë për kreun e ri të shtetit. Presidenti i Republikës duhet të jetë shembull i respektimit të Kushtetutës, sidomos kur bëhet fjalë për një profesor të së Drejtës Kushtetuese, njoftoi sonte partia BESA nga Koalicioni VLEN
Maqedonia e Veriut, shtojnë ata, është anëtare e plotë e Aleancës së NATO-s dhe negociatat me BE-në kanë filluar, por ndryshimet kushtetuese nuk presin që ne të vazhdojmë në rrugën evropiane.
- Nuk kemi nevojë për hapjen e plagëve të vjetra. Ndaj është mirë që presidentja e re nënshkroi betimin me emrin kushtetues, që është ende shenjë se realiteti de facto pranohet prej saj, thekson VLEN në njoftim.
