Koalicioni qeverisës VLEN është mbledhur në Sheshin “Skënderbeu” në Çair për të promovuar shtabin e Çairit, transmeton TV21.
Në fjalimet e tyre, krerët e partive pjesë e VLEN-it folën edhe për zgjedhjet lokale që do të mbahen në vjeshtë.
Thanë se “hyjnë në zgjedhje me duar të pastra” dhe se me tubimin e sotëm, “po festohet fitorja ende pa nisur beteja”.
Ua kujtuan qytetarëve se projektet që realizohen tani nga “kryetarët e komunave të udhëhequra nga opozita, janë projekte që financohen nga Qeveria”.
