Sekretari amerikan i Shtetit, Marco Rubio do të vizitojë Panamanë dhe katër vende të tjera në Amerikën Qendrore dhe Karaibe, duke filluar nga fundi i javës së ardhshme ,gjatë udhëtimit të tij të parë jashtë shtetit si kryediplomati i Uashingtonit, tha të enjten zëdhënësja e Departamentit të Shtetit, Tammy Bruce.
Udhëtimi, për të cilin Bruce tha se do të përfshijë gjithashtu ndalesa në Guatemalë, El Salvador, Republikën Domenikane dhe Kosta Rika, vjen pasi Presidenti Donald Trump e ka vënë emigracionin në qendër të aggjendës së tij të politikës së jashtme dhe ka bërë një shtytje që Shtetet e Bashkuara të marrin përsëri Kanalin e Panamasë, në komentet që kanë zemëruar vendin e Amerikës Qendrore.Ka një arsye pse ky është udhëtimi i parë. Ai sinjalizon se sa seriozisht e merr atë, çfarë do të thotë kur bëhet fjalë për programet e tij dhe si lidhet me angazhimin e tij ndaj këtij kombi, për të adresuar ato çështje që kanë rëndësi atë, dhe sigurisht çështjet e agjendës së Trump”, u tha Bruce gazetarëve.
“Ka të bëjë me sigurimin që nëse do të jemi të sigurt dhe të begatë dhe në gjendje të mirë, ne … duhet të kemi një interes për fqinjët tanë – dhe në botën e sotme, sigurisht që është Amerika Jugore dhe Qendrore.”
Trump ka akuzuar gjithashtu Panamanë për thyerjen e premtimeve që ka bërë për transferimin përfundimtar të rrugës ujore strategjike në vitin 1999 dhe për dhënien e operacionit të saj Kinës – akuza që qeveria panameze i ka mohuar me forcë.
“Ne nuk ia dhamë Kinës. Ne ia dhamë Panamasë dhe po e marrim përsëri,” tha Trump në fjalimin e tij inaugurues të hënën.
Presidenti Jose Raul Mulino u përgjigj në X të hënën se Kanali i Panamasë “është dhe do të vazhdojë të jetë panamez”. Panamaja ka paralajmëruar gjithashtu Kombet e Bashkuara për komentet e Trump, në një letër të parë nga Reuters të martën.
Kanali është një rrugë ujore 82 km (51 milje) që lidh Oqeanin Paqësor dhe Atlantik, përmes Panamasë dhe është kritik për importet amerikane të makinave dhe mallrave komerciale nga anijet me kontejnerë nga Azia dhe për eksportet amerikane të mallrave, duke përfshirë gazin natyror të lëngshëm.
Shtetet e Bashkuara ndërtuan kryesisht kanalin dhe administruan territorin, që e rrethonte për dekada. SHBA dhe Panamaja nënshkruan marrëveshje më 1977, që hapi rrugën për kthimin e kanalit në kontrollin e plotë të Panamasë dhe Uashingtoni e dorëzoi atë më 1999 pas një periudhe administrimi të përbashkët.
Gjatë fushatës së tij, Trump u zotua të godasë emigracionin e paligjshëm në Shtetet e Bashkuara dhe e ka goditur në terren këtë çështje.
Ai nënshkroi urdhra ekzekutivë që shpallin emigracionin e paligjshëm në kufirin SHBA-Meksikë një emergjencë kombëtare, duke përcaktuar kartelet kriminale si organizata terroriste dhe duke synuar shtetësinë automatike për fëmijët e emigrantëve të lindur në SHBA, në mënyrë të paligjshme.
Emigracioni është vendosur gjithashtu të jetë fokusi kryesor i udhëtimit të Rubios, sekretari i parë latino amerikan i shtetit./ Reuters.
