Qindra dyqane janë plaçkitur gjatë protestave të zhvilluara në SHBA për vrasjen e George Floyd-it.
Të pashqetësuar nga forcat policore dhe ushtria e Gardës Kombëtare që gjenden në terren prej ditësh, grabitësit kanë gjetur kohë për të ushtuar aktivitetin e tyre kriminal. Këto grabitje, që nuk kanë asnjë të dyshuar deri më tani, kanë detyruar pronarët e dyqaneve të marrin armët dhe të vendosen në mbrojtje të pronave të tyre.
“Nuk jemi këtu për të lënduar askënd. Por kur pamë se si u plaçkit dyqani zyrtar i Apple vendosëm që të vendosemi në mbrojtje të pronave tona. Këto nuk janë protesta, por krim i pastër”, u shpreh pronari i një argjendarie.
