Komisioneri për Zgjerim të BE-së, Oliver Varhej po qëndron sot për vizitë zyrtare në Sofje. Ai deklaroi se janë duke punuar që Shkupi të hap negociatat për anëtarësim me BE-në, dhe se pret mbështetje nga Bullgaria për procesin e integrimeve evropiane të Maqedonisë së Veriut.
“Po kthehem në Sofje përsëri dhe përsëri, që do të thotë se përsëri nuk ka zgjidhje që na frustron shumë nëse mund të them kështu, sepse ne nuk mund të vazhdojmë me procesin e anëtarësimit të Maqedonisë së Veriut në BE pa u miratuar nga të gjitha vendet anëtare. Ne ende presim mbështetjen nga Bullgaria dhe po punojmë për këtë. Qershori është një nga datat më të rëndësishme për ne dhe ne duam të arrijmë një zgjidhje në këtë moment shumë të rëndësishëm”, tha Varhej.
