Ushtria amerikane rrëzoi një tjetër objekt në lartësi të madhe mbi liqenin Huron. Lajmin për rrëzimin e objektit të panjohur e bëjnë të ditur mediat amerikane duke iu referuar burimeve ushtarake.Siç konfirmohet në llogarinë zyrtare në Twitter të senatorit Jack Bergman nga Michigan, pasditen e sotme me orën lokale avioni luftarak F-16 rrëzoi një tjetër objekt të paidentifikuar. Këtë herë përplasja ndodhi mbi liqenin Huron në Liqenet e Madhe.
“Kam qenë në kontakt me ushtrinë sot në lidhje me operacionet në të gjithë rajonin e Liqeneve të Mëdha. Ushtria amerikane rrëzoi një tjetër objekt mbi liqenin Huron. Unë e vlerësoj veprimin vendimtar të pilotëve tanë luftarakë. Populli amerikan meriton shumë më tepër përgjigje sesa po marrim ne”, tha ai.
Ky operacion shënon ditën e tretë radhazi që një objekt i paidentifikuar është rrëzuar mbi hapësirën ajrore të Amerikës së Veriut.
Një objekt i paidentifikuar u rrëzua mbi Kanadanë veriore të shtunën.
Të premten, një F-22 amerikan rrëzoi një objekt të paidentifikuar në hapësirën ajrore të Alaskës.
UFO Shoot Down in Lake Huron, Michigan#Huron #Michigan #ufotwitter #UFO #UFOs #UFOshotdown #ufoalaska #aliens #pentagon #NORAD
Long Version:https://t.co/XMZ6z6unR1 pic.twitter.com/4i1PBD3s5S— Meteor News (@FishNewsChannel) February 12, 2023
