Presidenti amerikan Donald Trump njoftoi se ka urdhëruar Departamentin e Thesarit të ndalojë prodhimin e monedhave të reja 1 centë-she, duke evidentuar rritjen e kostove të prodhimit si arsye kryesore.
“Për një kohë të gjatë Shtetet e Bashkuara kanë prodhuar monedha 1 cent që na kushtojnë fjalë për fjalë mbi 2 centë. Kjo është e kotë”, shkroi Trump në një postim në platformën “Truth Social”.
“Kam udhëzuar Sekretarin e Thesarit të SHBA-së që të ndalojë prodhimin e tyre”, nënvizoi presidenti.Kjo lëvizje e Trumpit është pjesë e një sërë veprimesh të administratës së tij të re për të zbatuar ndryshime rrënjësore përmes urdhrave ekzekutivë në fusha të ndryshme, nga politikat e imigracionit dhe gjinisë dhe diversitetit deri te riemërtimi i Gjirit të Meksikës.
