Presidenti Donald Trump ka deklaruar se bisedimet e drejtpërdrejta midis Shteteve të Bashkuara dhe Iranit janë duke u zhvilluar mbi programin bërthamor të Teheranit.
“Bisedimet e drejtpërdrejta” mes SHBA-së dhe Iranit janë duke u zhvilluar”, tha Donald Trump.
Duke folur së bashku me kryeministrin izraelit Benjamin Netanyahu në Shtëpinë e Bardhë, Trump tha se një “takim shumë i madh” do të zhvillohet të shtunën.
“Unë mendoj se të gjithë janë dakord që të bësh një marrëveshje do të ishte e preferueshme sesa të bësh të dukshmen”, tha Trump.
Irani kishte refuzuar më parë ofertën e Trump për negociata të drejtpërdrejta mbi programin e tij bërthamor, duke ofruar në vend të kësaj të angazhohej në bisedime indirekte.
Oferta e Trump, të cilën ai ia dërgoi Udhëheqësit Suprem iranian Ayatollah Ali Khamenei në mars, propozoi negociata për një marrëveshje të re bërthamore, me një ultimatum dy-mujor për të arritur një marrëveshje, i tha më parë CNN një burim i njohur me përmbajtjen e letrës.
Trump shprehu të hënën optimizëm se bisedimet do të ishin të suksesshme për të bindur Iranin të braktisë programin e tij bërthamor, për të cilin Teherani këmbëngul se është për qëllime paqësore.
“Shpresojmë se ato bisedime do të jenë të suksesshme. Dhe mendoj se do të ishte në interesin më të mirë të Iranit nëse ato janë të suksesshme. … Shpresojmë që kjo do të ndodhë,” tha ai.
