Presidenti amerikan Donald Trump ka shprehur revoltën e zemërimin pas deklaratave të fundit të Vladimir Putin i cili vuri në dyshim besueshmërinë e presidentit ukrainas Volodymyr Zelensky.
Trump kritikoi presidentin rus për propozimin e tij për të krijuar një qeveri kalimtare në Kiev, sepse sipas presidentit amerikan kjo nuk është rruga e duhur.“Kjo nuk është rruga e duhur”, ka thënë Trump.
Presidenti amerikan paralajmëroi se nëse nuk arrin një marrëveshje me Moskën për të ndalur sulmet në Ukrainë dhe nëse gjykon se Rusia është përgjegjëse atëherë ai synon të vendosë tarifa dytësore për naftën ruse.Megjithatë Trump njoftoi se ai planifikon të flasë sërish me Putinin brenda javës.
