Futja e marzhit të ri për tregtarët e derivateve, përkatësisht ulja drastike e saj për 33 për qind nga 4,5 në tre denarë, do t’i detyrojë pronarët të mbyllin pompat e karburanteve në pjesën lindore të vendit.
Marzhi ishte vërtet i vogël më parë, por me uljen aktuale humbjet tona do të jenë jashtëzakonisht të larta. Ata që marrin këto vendime duhet të kenë parasysh se edhe pse marzhi ulet, kontributet mbeten në të njëjtin nivel, që do të thotë se duhet të paguajmë rroga sikur marzhi të mos ketë ndryshuar.
Një problem shtesë, i cili vazhdon prej vitesh, janë pikat e paligjshme, të lëvizshme, të karburanteve që funksionojnë ilegalisht në parkingje dhe ku karburantet shitet dhe blihet me fuçi. Për shkak të të gjitha këtyre kushteve jashtëzakonisht jo të tregut, ne nuk do të kemi zgjidhje dhe do të vendosim çelësin në pikat tona të karburantit – thotë Goce Hubrev, kryetar i Asociacionit të pompave të markave dhe private të karburanteve, të cilat funksionojnë në pjesën lindore të Maqedonisë.
